Ein klassisk julekalkun med saftig kjøt og rike smakar frå frukt, smør og kraft. Når kalkunen får god tid i omnen ved låg temperatur, blir kjøtet møyrt og held godt på safta.

Denne metoden gir ein trygg og tradisjonell julekalkun med kraftig og smakfull saus.

Tid: ca. 6–7 timar
Porsjonar: berekn ca. 500 g kalkun per person

DU TRENG

1 heil kalkun

1 sitron
3–4 eple i båtar
300 g ananasringar
300 g svisker

4 ss smør
2 ts salt
2 ts peppar
1 ts einerbær (ferskkverna)

3–4 dl vatn

Til saus:
fløte
brunost
tytebær

FØR STEIKING

Tin kalkunen roleg i kjøleskap i 2–3 dagar dersom han er frosen.

SLIK GJER DU

Tørk kalkunen godt og gni han inn med sitron både inni og utanpå.

Fyll kalkunen med eplebåtar, ananasringar og svisker. Sy igjen i begge endar.

Smelt smøret og rør inn salt, peppar og einerbær. Pensle kalkunen godt med smørblandinga.

Lag gjerne litt ekstra smørblanding til pensling undervegs.

Legg kalkunen i ei langpanne med 3–4 dl vatn i botnen.

STEIKING

Set kalkunen i varm omn på ca. 270 °C i 15–20 minutt, til han får fin farge.

Ta ut kalkunen og pensle på nytt med smørblandinga.

Dekk kalkunen heilt med aluminiumsfolie.

Skru ned temperaturen til ca. 90°C og steik vidare i 5–6 timar (ca. 1 time per kilo kjøt).

Aluminiumsfolien skal liggje på kalkunen heile steiketida.

Kalkunen er ferdig ved ein kjernetemperatur på 68–73 °C. Bruk steiketermometer.

Tempraturen stig gjerne 5 grader mens kalkunen kviler

KRAFT TIL SAUS

Kok hals og innmat i 0,5–0,8 liter vatn til kjøtet losnar frå halsen. Dette gir ei smakfull kraft til sausen.

SAUS

Etter steiking:

Hell sjyen frå langpanna og væska frå kalkunen over i krafta.

Sil alt.

Tilset ca. 0,5 liter fløte og smak til med surt og søtt, til dømes:

• sennep

• eplesyltetøy

• peppar og salt

• brunost

• litt tytebær

• einerbær

Jamn sausen med mjøl rørt ut i kaldt vatn til ønska konsistens.

SERVERING

Server kalkunen med saus og klassisk tilbehøyr etter ønske.

TIPS

Kalkunen kan også leggast i saltlake før steiking.

Lag ei 4–5 % saltlake (40–50 g salt per liter vatn) og legg kalkunen i kjøleskap over natta, eller 2–3 timar i sterkare lake.

Saltlaken gjer at kjøtet held betre på safta under steiking.

Skyll kalkunen etter lake, tørk godt og pensle med litt sitronsaft før vidare tilbereding.