Homlagardens gresk bowl med sprøsteikte kyllingbryst.

Enkel å slengje saman og Med mykje smak. klar på under 40 minutt.

Saftige, økologiske kyllingbryst frå Homlagarden er skikkeleg kvardagsluksus. Med sprøtt skinn, mørt kjøtt og greske følgesvennar som gjer at heile fatet luktar ferie, får du ein middag som løftar ein heilt vanleg kvardag.

Det faste kjøtet frå saktevoksande kylling gjer at brystet held seg ekstra saftig under steiking og gir betre smak enn vanleg kylling.

Nøkkelen til sprøtt skinn er å salte på førehand, tørke skinnet godt og leggje brystet med skinnsida ned i ei kald jernpanne.

Marinade kan vere godt, men her er målet sprøsteikt skinn, og då må overflata vere tørr. Lat feittet smelte sakte ut i panna. Då får du jamn steikeskorpe og saftig kjøt.

Ingrediensar

• 4 porsjonar

• 2 Homlagarden kyllingbryst med skinn (ca. 300–350 g per stk)

• 1 ts salt

• 1 hjartesalat i grove bitar

• 1/2 agurk i terningar

• 250 g cherrytomatar delt i to

• 150 g feta i smular

• 1 dl kalamataoliven

• 1 dl grøne oliven

• 4 pitabrød

• Tzatziki

• Sylta rødløk

Slik gjer du

Start med kyllingen minst 1 time før steiking

Tørk skinnet godt med kjøkkenpapir og gni inn salt jamt fordelt på dei to brystene. La liggje utildekt i kjøleskap slik at saltet trekkjer inn og overflata tørkar lett. Dette gir betre smak, jamnare steiking og sprøare skinn. (kan gjerne gjerast tidlegare på dagen).

Ta kyllingen ut av kjøleskapet minst 30 minutt før steiking slik at han får romtemperatur og tørk skinnet igjen før steiking.

Legg kyllingbrysta med skinnsida ned i ei kald jernpanne eller steikepanne utan feitt.

Skru på middels varme og la feittet sakte smelte ut. Steik i 5–6 minutt til skinnet slepp lett frå panna og har fått ein gyllen og sprø skorpe. Ikkje flytt på kjøtet før det slepp av seg sjølv.

Snu brystene slik at skinnsida vender opp. Skru ned varmen til middels og legg i om lag 1 ss smør i panna saman med eit knust kvitløksfedd eller ein kvast timian eller rosmarin.

Steik vidare i om lag 8 minutt. Snu gjerne undervegs slik at også sidene får jamn steiking.

Set panna i varm omn på 180 °C over- og undervarme og steik vidare i om lag 5 minutt til kjernetemperaturen er rundt 65–68 °C i den tjukkaste delen av brystet.

Legg kyllingen over på eit skjerebrett og la kvile i 5–10 minutt før du skjer i tjukke skiver. Kviletida er avgjerande for saftigheita.

Dander bowlen med hjartesalat i botnen. Fordel agurk, tomatar, feta og oliven rundt. Legg på skiver av Homlagarden-kylling med det sprø skinnet opp.

Topp med sylta raudløk og server med ei raus skei tzatziki og lune pitabrød ved sida av.

Drypp gjerne litt ekstra olivenolje, press over sitron rett før servering og avslutt med nykverna peppar.

TZATZIKI

3 dl gresk yoghurt

1/2 agurk grovreven og klemde fri for væske

1 lite fedd kvitløk finrive

1 ss god olivenolje

1 ss sitronsaft

2 ss finhakka dill

1/4 ts salt

Rør saman tzatziki. Klem mest mogleg væske ut av agurken før du blandar han med yoghurt, kvitløk, olivenolje, sitronsaft, dill og salt. Set kaldt fram til servering.

SYLTA RAUDLØK

1 raudløk i tynne skiver

1 dl eplecidereddik eller raudvinseddik

1 dl vatn

1/2 ts salt

1 ts honning (kan sløyfast)

Lag sylta raudløk ved å koke opp eddik, vatn og salt, eventuelt honning. Hell laken over løken og la stå minst 30 minutt (eller lag i forkant for rundare smak).