Kalkun lårsteik er eit saftig og smakfullt kjøtstykke som eignar seg perfekt til langtidssteiking i omnen. Det mørke kjøtet har meir feitt og struktur enn brystkjøt, og gir eit møyrt resultat når det får god tid.

Saktevaksande Homlagarden-kalkun held ekstra godt på safta under steiking og gir eit jamnare og meir smakfullt resultat enn standard kalkun.

Eple og rosmarin gir ein mild og aromatisk smak som passar godt til det saftige kjøtet.

Tid: ca. 2 timar
Aktiv tid: ca. 10 min
Porsjonar: 4–6

DU TRENG

1 Homlagarden kalkun lår (ca. 1,2–1,5 kg)

1–1,5 ts grovt salt (gjerne flaksalt)
1/2–1 ts grovmalt svart peppar

2 ss olivenolje

2 eple i båtar
2–3 kvistar fersk rosmarin

FØR STEIKING

Tin kjøtet i kjøleskap dagen før bruk.

Ta låret ut av kjøleskapet ca. 30 minutt før steiking.

SLIK GJER DU

Set omnen på 175 °C over- og undervarme.

Legg kalkun låra i ei eldfast form eller lita langpanne.

Gni kjøtet inn med salt og peppar, og drypp over olivenolje.

Legg rosmarin rundt og oppå kjøtet.

STEIKING

Steik midt i omnen i ca. 1,5–2 timar.

Kjøtet er ferdig når det har byrja å sleppe frå beinet og kjennest møyrt.

Du kan stikke ein kniv i låret for å teste, veska som kjem ut skal vera blank.

Legg eplebåtane i forma dei siste 15–20 minutta av steiketida.

KVILE OG OPPDELING

La kjøtet kvile i 10–15 minutt før oppdeling.

Beinet kan enkelt løysast frå kjøtet etter steiking.

Skjær kjøtet frå overlåret i skiver på tvers av fiberen.

Kjøtet frå klubben kan delast i mindre bitar (senene kan sitje på).

SERVERING

Server kalkun lårsteika med epla frå forma og gjerne:

• kokte eller ovnsbakte poteter

• rosenkål eller andre grønsaker

• ein enkel saus frå steikesjya

TIPS

Når kjøtet får steike roleg over tid, blir det ekstra møyrt og saftig. Unngå for høg temperatur – då kan kjøtet bli tørrare.

KVIFOR KALKUN LÅRSTEIK ER EIT GODT VAL

Kjøtt frå låret har meir smak og naturleg feitt enn brystkjøt, og toler langtidssteiking svært godt. Det gjer dette til ein trygg og smakfull rett som er vanskeleg å mislykkast med.