Kalkunbryst med estragonsaus og sellerirot- og blomkålstappe

2–3 porsjonar

Ingrediensar

• 1 pakke sous vide kalkunbryst

• 100 g aspargesbønner

Estragonsaus

• ½ sjalottløk, finhakka

• 1 ts smør

• 2 ss kvitvin eller 1 ts eplesidereddik

• 1 dl kremfløyte

• ½ dl kyllingkraft

• ½ ts dijonsennep

• 1 ss finhakka frisk estragon eller 1 ts tørka

• Salt og pepar

Sellerirot- og blomkålstappe

• 200 g blomkål

• 100 g sellerirot

• 1 ss smør

• ½ dl fløyte

• Salt og pepar

Slik gjer du

1. Varm den uopna posen med kalkunbryst i 70 °C varmt vatn i 30–60 minutt.

2. Kok blomkål og sellerirot møre i lettsalta vatn i 10–12 minutt. Hell av vatnet og mos saman med smør og fløyte. Smak til med salt og pepar.

3. Steik sjalottløken mjuk i smør. Tilset kvitvin eller eplesidereddik, og la det koke litt inn.

4. Ha i kyllingkraft og fløyte. La sausen småkoke til han tjuknar. Rør inn dijonsennep og estragon. Smak til med salt og pepar.

5. Kok eller damp aspargesbønnene i 3–4 minutt.

6. Ta kalkunbrystet ut av posen og skjer det i tjukke skiver. Server med stappa, aspargesbønnene og den kremete estragonsausen.